ແຫຼງທ່ອງທ່ຽວ

ນ້ຳຕົກຕາດກວາງຊີ ແຂວງ ຫຼວງພະບາງ

“Green Climbers Home” ທ່າແຂກ! ຄືຄຳຕອບຂອງຄົນທີ່ມັກຄວາມທ້າທາຍ

ມາເອົາໃຈຄົນທີ່ມັກການປະຈົນໄພ ທ້າທາຍກັບຄວາມຍາກ ແລະ ຄວາມສູງ ຖ້າໃຜມັກໃນສິ່ງນີ້ບໍ່ຕ້ອງເດີນທາງໄປຮອດຕ່າງປະເທດທ່ານກໍ່ສາມາດສຳພັດອາລົມແບບນີ້ໄດ້ທີນີ້! ທີ່ເມືອງລາວນີ້ລະ!

ທ່ອງທ່ຽວກັບລາວໂພສຕ໌ ມື້ນີ້ແອັດມິນຈະພາທຸກຄົນເດີນມາທີ່ທ່າແຂກ ແຂວງ ຄຳມ່ວນ ມາທີ່ Green Climbers Home ສະຫວັນຂອງຄົນມັກຄວາມທ້າທາຍ Green Climbers Home ຢູ່ຫ່າງຈາກຕົວເມືອງທ່າແຂກອອກມາປະມານ 16 ກິໂລແມັດ ເຊິ່ງສະຖານທີ່ແຫ່ງນີ້ແມ່ນໄດ້ຮັບຄວາມນິຍົມຈາກນັກທ່ອງທ່ຽວຊາວຕ່າງປະເທດເປັນສ່ວນຫຼາຍ ສຳລັບຄົນລາວນັ້ນແມ່ນບໍ່ຄ່ອຍນິຍົມປານໃດ ເພາະກິດຈະກຳຂອງສະຖານທີ່ແຫ່ງນີ້ເຕັມໄປດ້ວຍຄວາມທ້າ ທາຍ, ບ້າບິ່ນ ເຊັ່ນ: ປີນໜ້າຜາ, ໄຕ່ເຊືອກທີ່ມີຄວາມສູງນັບແຕ່ 60-400 ແມັດ ບໍ່ໃຈແທ້ບໍ່ມັກແທ້ແມ່ນເຮັດບໍ່ໄດ້

ນອກຈາກຈະມີຄວາມຊຽວ, ມີຄວາມທ້າທາຍລໍຖ້າທ່ານແລ້ວ ຍັງມີຄວາມງາມຂອງທຳມະຊາດ ບັນຍາກາດແບບຊິວໆ ສະບາຍສະບາຍສະໄຕລລາວໄວ້ໃຫ້ໄດ້ສຳພັດ ມາທີ່ນີ້ບໍ່ຕ້ອງຢ້ານວ່າສິອຶດຫິວ ເພາະມີອາຫານ ແລະ ເຄື່ອງດື່ມໄວ້ຄອຍບໍລິການຢ່າງເຕັມທີ່ ສະຖານທີ່ພັກກໍ່ສະດວກສະບາຍ ຫຼື ໃຜມັກກາງເຕັ້ນນອນກໍ່ສາມາດເຮັດໄດ້ຕາມສະບາຍເລີຍ ແຕ່ຕ້ອງຂໍບອກກ່ອນເລິຍວ່າຜູ່ທີ່ສົນໃຈມາທ່ຽວທີ່ Green Climbers Home ແມ່ນຕ້ອງມາສະເພາະລະດູແລ້ງເທົ່ານັ້ນເຊິ່ງເພິ່ນຈະເປີດໃນໄລຍະເດີອນ ຕຸລາ ເປັນຕົ້ນໄປຂອງທຸກປີ ແລະ ຈະປິດໃຫ້ບໍລິການໃນຊ່ວງລະດູຝົນກໍ່ຄືເລີ່ມແຕ່ເດືອນ ພຶດສະພາ-ກັນຍາຂອງທຸກປີ ເອົາເປັນວ່າເວົ້າມາຊ່ຳນີ້ແລ້ວທຸກຄົນອາດຈະຢາກເຫັນພາບ ສະນັ້ນເຮົາມາເບິ່ງໄປນຳກັນເລີຍ

ຄອນພະເພັງ (ຈໍາປາສັກ).

ຄອນພະເພັງ ແມ່ນໜຶ່ງໃນຈໍານວນນໍ້າຕົກຕາດ ຂອງສາຍພູເຫຼັກ ອັນຍາວຢຽດ, ຂັ້ນຕອນລໍາແມ່ນໍ້າຂອງຕອນໃຕ້ຂອງ ປະເທດເຮົາ ທີ່ນອນຢູ່ດິນແດນ ເຂດມະຫານະທີ ສີພັນດອນ ເຊິ່ງມີຄວາມຍາວເຖິງ 15 ກິໂລແມັດ, ທຳມະຊາດໄດ້ເສກສັນ ປັ້ນແຕ່ງໃຫ້ນ້ຳໂຕນຕາດແຫ່ງນີ້ ມີຄວາມສວຍສົດງົດງາມ ແລະ ມີສຽງດັງ, ຄຶກຄື້ນ, ມ່ວນຊື່ນ, ອອນຊອນໃຈ ບໍ່ມີທິວ ທັດທຳມະຊາດແຫ່ງໃດໃນພາກພື້ນ ສະເໝີເໝືອນ; ອົງການແມ່ນນ້ຳຂອງ ຈຶ່ງໄດ້ຂະໜານນາມວ່າ: "ໄຂ່ມຸກແຫ່ງແມ່ນ້ຳຂອງ"​

ແຫລ່ງ: ອົງການພັດທະນາການທ່ອງທ່ຽວ

ວັດຊຽງຄວັນຈະໄດ້ຮັບການປັບປຸງ ແລະ ພັດທະນາຄືນໃໝ່

ບໍລິສັດທ່ອງທ່ຽວ ແລະ ການລົງທຶນສາກົນລາວ ຈຳກັດ ຈະເຂົ້າພັດທະນາວັດຊຽງຄວນ ຄືນໃໝ່ ດ້ວຍມູນຄ່າການລົງທຶນ 5 ລ້ານໂດລາ ມີໄລຍະສຳປະທານຍາວເຖິງ 30 ປີ.

ທ່ານ ນາງ ສ້ອຍສຸດາ ອິນເມືອງໄຊ, ຜູ້ອຳນວຍການບໍລິສັດ ທ່ອງທ່ຽວ ແລະ ການລົງທຶນສາກົນລາວ ຈຳກັດ ກ່າວວ່າ: ພວກເຮົາເຫັນວ່າສະຖານທີ່ທ່ອງທ່ຽວວັດຊຽງຄວນ ຢູ່ເມືອງຫາດຊາຍຟອງ ນະຄອນຫຼວງວຽງຈັນ ຍັງບໍ່ທັນໄດ້ຮັບການພັດທະນາໃຫ້ເປັນແຫຼ່ງທ່ອງທ່ຽວທາງປະຫວັດສາດ ທີ່ຫຼາກຫຼາຍ. ສະນັ້ນ, ບໍລິສັດພວກເຮົາມີຄວາມສົນໃຈ ແລະ ສຶກສາຄວາມເປັນໄປໄດ້ດ້ວຍການສຳຫຼວດ ແລະ ວາງແຜນພັດທະນາສະຖານທີ່ດັ່ງກ່າວຄືນໃໝ່ ທັງເປັນການສ້າງລາຍຮັບດ້ານການທ່ອງທ່ຽວໃຫ້ແກ່ເມືອງນຳອີກ.

ທ່ານກ່າວຕື່ມວ່າ: ເມື່ອເປັນແນວນັ້ນ ທາງບໍລິສັດພວກເຮົາກໍ່ຂໍອະນຸຍາດຈາກອຳນາດການປົກຄອງເມືອງ ດ້ວຍການລົງທຶນເອງທັງໝົດເພື່ອພັດທະນາຄືນໃໝ່ ດ້ວຍຮູບການເຊົ່າສຳປະທານ 30 ປີ ມີມູນຄ່າການລົງທຶນທັງໝົດ 5 ລ້ານໂດລາ ປະກອບມີ 7 ໜ້າວຽກດັ່ງນີ້:

1). ກໍ່ສ້າງປະຕູໂຂງ ແລະ ກຳແພງອ້ອມສວນທີ່ເປັນເອກະລັກທາງດ້ານວັດທະນະທຳ; 2). ປະຕິສັງຂອນພຣະພຸດຣູບ ແລະ ວັດຖຸບູຮານ ເພື່ອໃຫ້ຄົງຢູ່ ແລະ ສວຍງາມຕາມສະພາບເດີມ;3). ປັບປຸງ ແລະ ກໍ່ສ້າງເສັ້ນທາງພາຍໃນສວນ;4). ກໍ່ສ້າງສວນສາທາລະນະ, ປູກຫຍ້າ ແລະ ຕົ້ນໄມ້ປະດັບ; 5). ກໍ່ສ້າງຮ້ານຂາຍເຄື່ອງທີ່ລະນຶກ, ຮ້ານອາຫານ, ເວທີສະແດງ ເພື່ອຮັບໃຊ້ແຂກທີ່ມາທ່ຽວພາຍໃນສວນ;6). ກໍ່ສ້າງຫ້ອງນໍ້າສະອາດ;7). ປັບປຸງສະຖານທີ່ຈອດລົດ ແລະ ສິ່ງອຳນວຍຄວາມສະດວກອື່ນໆ

ທ່ານ ບຸນຕົງ ພອນສະຫວັດ, ຫົວໜ້າຫ້ອງການແຜນການ ແລະ ການລົງທຶນ ປະຈຳເມືອງຫາດຊາຍຟອງ ໃນນາມເປັນຄູ່ສັນຍາສອງຝ່າຍ ໃຫ້ຮູ້ວ່າ: ໃນບົດວິພາກເສດຖະກິດຂອງບໍລິສັດທີ່ສະເໜີມານີ້ທາງພາກສ່ວນກ່ຽວຂ້ອງຂອງເມືອງກໍ່ເຫັນດີເປັນເອກະພາບໃຫ້ບໍລິສັດເຂົ້າສຳປະທານ ເພື່ອພັດທະນາສິ່ງທີ່ມີຢູ່ໃຫ້ມີຄວາມສວຍງາມຍິ່ງຂຶ້ນ. ສຳລັບການດຳເນີນໂຄງການແບ່ງອອກເປັນ 4 ໄລຍະ ເປັນຕົ້ນແມ່ນ: ການສ້າງບົດວິພາກເສດຖະກິດ-ເຕັກນິກ; ການອອກແບບລະອຽດກ່ຽວກັບແຜນຜັງການກໍ່ສ້າງ; ການຂໍອະນຸຍາດດຳເນີນໂຄງການ ແລະ ການຈັດຕັ້ງປະຕິບັດໂຄງການ.

ພິທີລົງນາມເຊັນສັນຍາການສຳປະທານສວນວັດທະນະທຳຊຽງຄວນ ຈັດຂຶ້ນ ທີ່ສວນວັດທະນະທຳຂອງບໍລິສັດອິນແປງກຣຸບ ໂດຍເປັນການລົງນາມຮ່ວມກັນຂອງທ່ານ ບຸນຕົງ ພອນສະຫວັດ ຫົວໜ້າຫ້ອງການແຜນການ ແລະ ການລົງທຶນ ປະຈຳເມືອງຫາດຊາຍຟອງ ກັບ ທ່ານ ນາງ ສ້ອຍສຸດາ ອິນເມືອງໄຊ, ຜູ້ອຳນວຍການບໍລິສັດ ໂດຍຊ້ອງໜ້າທ່ານ ບຸນທາມ ພຸດທະວົງສາ ເຈົ້າເມືອງໆຫາດຊາຍຟອງ, ມີຜູ້ຕາງໜ້າຈາກພະແນກແຜນການ ນ.ວ, ພະແນກການເງິນ ແລະ ຂະແໜງການກ່ຽວຂ້ອງເຂົ້າຮ່ວມ.

ເຮືອໄຟວຽນ, ລັກສະນະສະເພາະໜຶ່ງຂອງປະເພນີບຸນອອກພັນສາ “ວັດຈັນທະສະໂຣ

ໃນປາງບຸນອອກພັນສາ ມີຫຼາຍກິດຈະກຳ ອາດແຕກຕ່າງກັນແດ່ໄປຕາມສະພາບທ້ອງຖິ່ນ. ສະເພາະປະເພນີການບູຊາໄຟ ນິຍົມເຮັດຮາວທຽນເປັນເຮືອປະດັບດ້ວຍລວດລາຍຕາມແຕ່ລະຖິ່ນນິຍົມ. ບຸນອອກພັນສາ ເປັນທ້າຍລະດູຝົນ, ເຂດທີ່ມີສາຍນໍ້ານ້ອຍ ຈິ່ງເຮັດສະເພາະເຮືອໄຟບົກ.

ເຮືອໄຟບົກ ເຮັດຢູ່ເດີ່ນວັດ, ບາງແຫ່ງ ເພື່ອຫາວິທີກັນບໍ່ໃຫ້ເດັກນ້ອຍໄປຫຼິ້ນເຮັດເພກ່ອນມື້ພິທີ, ເພິ່ນໄດ້ເຮັດຮົ້ວເຮືອໄຟໄວ້, ຕໍ່ມາໄດ້ພັດທະນາເປັນຮູບການທ້າປະຊັນຄວາມສາມາດຂອງຜູ້ເຂົ້າໄປໄຕ້ໄຟໃນລັກສະນະສ່ຽງວາດສະໜາແລະຄວາມສາມາດສັງເກດ. ເພິ່ນໄດ້ເຮັດຮົ້ວເປັນຮ່ອມທາງວຽນເຂົ້າໄປຫາໂຕເຮືອໄຟ. ຮົ້ວວຽນນີ້ ຈະມີລະດັບສັບສົນແລ້ວແຕ່ນາຍຊ່າງ. ບາງເທື່ອກໍເຮັດສອງລະແວກສີ່ປະຕູ, ບາງເທື່ອກໍເຮັດສອງປະຕູ. ສີ່ປະຕູຈະມີສອງປະຕູເຂົ້າ ເຖິງ ແລະອີກສອງປະຕູເມື່ອເຂົ້າໄປຮອບວຽນສຸດທ້າຍ ແລ້ວມັນຈະວຽນກັບອອກ; ຖ້າສອງປະຕູ ກໍຈະມີໜຶ່ງປະຕູເຂົ້າບໍ່ຮອດ. ເວລາອອກກໍຄືກັນ, ຖ້າອອກຜິດທາງ ເມື່ອອອກໄປຮອດຮອບວຽນສຸດທ້າຍ ກໍຈະກັບເຂົ້າມາຄືນຫາເຮືອໄຟ. ຜູ້ເຂົ້າຕ້ອງສ່ຽງໃນການເລືອກປະຕູ. ປະເພນີເຮັດເຮືອ ໄຟວຽນນີ້ ວັດ “ຈັນທະສະໂຣ” ບ້ານໜອງລຳຈັນ ເມືອງຈຳພອນ ແຂວງສະຫວັນນະເຂດ ນິຍົມເຮັດມາແຕ່ເປີງບູຮານ ແລະຕົກທອດມາຮອດສູ່ມື້ນີ້.

ປີທ່ອງທ່ຽວລາວ 2018 ຫຼວງພະບາງຄຶກຄັກກັບຫຼາຍກິດຈະກຳ

ເພື່ອເປັນການຮອງຮັບນັກທ່ອງທ່ຽວທີ່ເຂົ້າມາທ່ອງທ່ຽວຫຼວງພະບາງໃນໂອກາດທີ່ ສປປ ລາວ ຈັດປີທ່ອງທ່ຽວລາວປີ 2018 ແຂວງຫຼວງພະບາງໄດ້ຈັດງານຖະແຫຼງຂ່າວການຈັດ

ກິດຈະກຳປີທ່ອງທ່ຽວລາວທີ່ແຂວງຫຼວງພະບາງຂຶ້ນໃນວັນທີ 9 ທັນວາ ທີ່ສະໂມສອນໃຫຍ່ຫ້ອງວ່າການປົກຄອງແຂວງໂດຍໃຫ້ກຽດຖະແຫຼງຂ່າວຂອງ ທ່ານ ວົງສະຫວັນ ເທບພະຈັນ ຮອງເຈົ້າແຂວງຫຼວງພະບາງປະທານຈັດກິດຈະກຳປີທ່ອງທ່ຽວລາວທີ່ແຂວງຫຼວງພະບາງ,ມີການນຳຂອງພະແນກການກົມກອງ,ທູຕານຸທູດ,ຜູ້ຕາງໜ້າສະຖານກົງສູນໃຫຍ່ແຫ່ງ  ສສ ຫວຽດນາມ ແລະ ສປ ຈີນ,ຜູ້ປະກອບການທຸລະກິດ,ສື່ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມ.

ທ່ານ ວົງສະຫວັນ ເທບພະຈັນ ໄດ້ກ່າວວ່າ: ເພື່ອເຮັດໃຫ້ການຈັດປີທ່ອງທ່ຽວລາວທີ່ ແຂວງຫຼວງພະບາງມີຄວາມຄຶກຄື້ນມ່ວນຊື່ນ ແລະ ເປັນພິເສດກ່ວາທຸກປີອົງການປົກຄອງ ແຂວງຫຼວງພະບາງ ໄດ້ ມີກິດຈະກຳຢ່າງຫຼາກຫຼາຍຢູ່ພາຍໃນແຂວງ ແລະບັນດາເມືອງມີທັງໝົດ 37 ກິດຈະກຳໂດຍຈະເລີ່ມແຕ່ເດືອນທັນວາປີ 2017 ຫາເດືອນທັນວາປີ 2018.ໃນນີ້ກິດຈະກຳຫຼັກແມ່ນມີ 7 ກິດຈະກຳເຊັ່ນ: ງານປະກວດຂັບລຳພື້ນເມືອງຫຼວງພະບາງ,ງານສະເຫຼີມສະຫຼອງປີທ່ອງທ່ຽວລາວປີ 2018 ຢ່າງເປັນທາງ ການ ແລະ ບຸນປີໃໝ່ລາວທີ່ຫຼວງພະບາງ,ຈັດງານແທ້ໂອ້ຫຼວງພະບາງທີ່ສະທ້ອນໃຫ້ເຫັນຄວາມເປັນຫຼວງພະບາງ,ງານສຳມະນາວ່າດ້ວຍການທ່ອງທ່ຽວແບບຍືນຍົງ,ກິດຈະກຳຖີບລົດ ແລະ ງານມະໂຫລານຮູບເງົາຫຼວງພະບາງ.ທ່ານຮອງເຈົ້າແຂວງຫຼວງພະບາງກ່າວຕື່ມວ່າ: ນອກຈາກກິດຈະກຳຫຼັກແລ້ວຢູ່ບັນດາເມືອງອ້ອມຂ້າງແຂວງຈະມີການຈັດງານບຸນປະເພນີຕິດພັນກັບການສະເຫຼີມສະຫຼອງປີທ່ອງທ່ຽວຢ່າງຄຶກຄື້ນ.

ທິວທັດເມືອງນາກາຍ ແຂວງຄຳມ່ວນ

ແຫຼງທ່ອງທ່ຽວ ນ້ຳລອດພູ ທີບ້ານ ນາທົ່ງ ເມືອງ ນາໝໍ້ ແຂວງ ອຸດົມໄຊ
     
ນ້ຳລອດພູ ດັ່ງກ່າວ ຖືວ່າເປັນແຫຼງທ່ອງທ່ຽວ ໜຶງທີໄດ້ມີນັກທ່ອງທ່ຽວ ຈາກພາຍໃນ ແລະ ຕ່າງເມືອງ ເຂົ້າໄປທ່ຽວຊົມ ພັກພອນໃນຊວງວັນພັກຕ່າງໆ ຢູ່ສະຖານທີດັ່ງກ່າວ ໄດ້ມີການສຳປະທານສ້າງສິງອຳນວຍຄວາມສະດວກ ຈຳນວນໜຶງ ເພື່ອຮອງຮັບນັກທ່ອງທ່ຽວ ທີເຂົ້າໄປທ່ຽວຊົມແລ້ວ ເຊັນ: ຮ້ານອາຫານ, ອາງເກັບນ້ຳ, ກິດຈະກຳຂີເຮືອໝາກເບັງ. ຖ້າທ່ານໄດສົນໃຈກໍສາມາດໄປທ່ຽວຊົມໄດ້ເດີ.






➤ ທໍາມະຊາດທີສວຍງາມຂອງ ຫິນໜາມໜໍ່ (ປ່າສະຫງວນແຫ່ງຊາດພູຫິນປູນ) ເສັ້ນທາງໄປຫຼັກຊາວ ແລະ ຖໍ້າກອງລໍ, ແຂງງຄຳມ່ວນ

ປ່າຫີນປູນ

➤ສິ່ງລຶກລັບທີ່ສວ່ຍສົດງົດງາມຂອງຖ້ຳຈອມອອງເມືອງໄຊ ແຂວງອຸດົມໄຊ

ສິ່ງລຶກລັບຂອງຖ້ຳຈອມອອງເມືອງໄຊ ຖ້ຳຈອມອອງ ມີສາຍນ້ຳ ໄຫລຜ່ານ, ມີນົມຜາ ແລະ ຫີນ ຍ້ອຍ-ຫີນງອກ ທີ່ມີລວດລາຍ ສວຍງາມ,ພ້ອມທັງຫີນແກ້ວ ເປັນສີຂາວເຫລື້ອມຄືກັບເພັດ ພອຍເປັນກ້ອນໃຫຍ່ໆ ຫ້ອຍປະ ດັບປະດາຢູ່ຕາມຝາຫີນປຽບ ດັ່ງດອກໄຟສະຫວ່າງສະໄຫວ ຢ່າງສວຍສົດງົດງາມ. 

  ຖ້ຳດັ່ງ ກ່າວຕັ້ງຢູ່ບ້ານຈອມອອງ ເມືອງ ໄຊ, ແຂວງອຸດົມໄຊ ຫ່າງຈາກ ເທດສະບານ ເມືອງໄປປະມານ 45 ກິໂລແມັດ, ເປັນຖ້ຳໃຫຍ່ ມີຫລາຍຮູເຂົ້າ-ອອກ, ຍາວປະ ມານ 16 ກິໂລແມັດ, ກວ້າງ 15-50 ແມັດ ແລະ ສູງປະມານ 25-100 ແມັດ ແລະ ເປັນຖ້ຳທີ່ສວຍງາມທີ່ສຸດຂອງ ແຂວງປະດັບ ສີສັນຕ່າງໆ ແບບ ທຳມະຊາດເປັນໜ້າອັດສະ ຈັນໃຈ. ເຊິ່ງແຕ່ກີ້ແຕ່ກ່ອນປະ ຊາຊົນເຂດນີ້ເຄີຍເອີ້ນວ່າຖ້ຳ ເຈຍ ຫລື ຖ້ຳຂີ້ເຈຍຍ້ອນມີໂຕ ເຈຍມາອາໄສຢູ່ເປັນຈຳນວນ ຫລາຍຈົນໄທ ບ້ານໄດ້ພາກັນ ມາເອົາຂີ້ເຈຍດັ່ງກ່າວໄປເປັນ ຝຸ່ນ ແລະ ນຳໃຊ້ເຂົ້າໃນການ ຜະລິດໝື້ປືນແກັບ. ຖ້ຳແຫ່ງນີ້ ຖືກຄົ້ນພົບໃນປີ ຄສ 2005 ແລະ ເປີດໃຫ້ບໍລິການໃນປີ 2007.

ຜ່ານການສຳຫລວດ ຂອງນັກວິທະຍາສາດຈາກສະ ຫະພາບເອີຮົບໃນປີ 2010 ຖ້ຳ ດັ່ງກ່າວກໍໄດ້ພັດທະນາໃຫ້ເປັນ ແຫລ່ງທ່ອງທ່ຽວລະດັບຊາດ. ປັດຈຸບັນ, ໄດ້ນຳເອົາກະແສ ໄຟຟ້າພະລັງງານແສງຕະເວັນ ເຂົ້າເຍືອງທາງໃຫ້ຮຸ່ງແລ້ວປະມານ 500 ແມັດ ແລະ ຢູ່ພາຍ ໃນຖ້ຳກໍມີການປົກປັກຮັກສາ ໄວ້ບໍ່ໄດ້ມີການດັດແປງໃດໆ, ເພື່ອເປັນມູນມໍລະດົກອັນລ້ຳຄ່າ ຂອງແຫລ່ງທ່ອງທ່ຽວແຂວງ ດັ່ງກ່າວໃຫ້ຍືນຍົງຄົງຕົວຕະຫລອດໄປ.

ຂໍ້ມູນຈາກ: Savanh Post

ຕາດນ້ຳແຈ...!

ຕາດນຳ້ແຈ່ ບ້ານທ່າມື່ນ ເມືອງແບງແຂວງອຸດົມໄຊ ເປັນຕາດສູງສວຍງາມພໍສົມຄວນ ແຕ່ສິ່ງ ແວດລ້ອມ ປ່າດຶກດຳບັນພຶກສານາໆພັນ ຍັງຄົງຄວາມອຸດົມສົມບູນ ຖ້າມີນັກລົງ ທຶນເຂົ້າໄປພັດທະນາ ຈະກາຍເປັນແຫລ່ງທ່ອງທ່ຽວໜຶ່ງ ທີ່ໜ້າສົນໃຈຂອງນັກທ່ອງ ທ່ຽວ.

➤ແຫຼງທ່ອງທ່ຽວ ນ້ຳລອດພູ ທີບ້ານ ນາທົ່ງ ເມືອງ ນາໝໍ້ ແຂວງ ອຸດົມໄຊ
     
ນ້ຳລອດພູ ດັ່ງກ່າວ ຖືວ່າເປັນແຫຼງທ່ອງທ່ຽວ ໜຶງທີໄດ້ມີນັກທ່ອງທ່ຽວ ຈາກພາຍໃນ ແລະ ຕ່າງເມືອງ ເຂົ້າໄປທ່ຽວຊົມ ພັກພອນໃນຊວງວັນພັກຕ່າງໆ ຢູ່ສະຖານທີດັ່ງກ່າວ ໄດ້ມີການສຳປະທານສ້າງສິງອຳນວຍຄວາມສະດວກ ຈຳນວນໜຶງ ເພື່ອຮອງຮັບນັກທ່ອງທ່ຽວ ທີເຂົ້າໄປທ່ຽວຊົມແລ້ວ ເຊັນ: ຮ້ານອາຫານ, ອາງເກັບນ້ຳ, ກິດຈະກຳຂີເຮືອໝາກເບັງ. ຖ້າທ່ານໄດສົນໃຈກໍສາມາດໄປທ່ຽວຊົມໄດ້ເດີ.